"Насаф" ҳам Бундеслигадан ўрнак олмоқчи

Бутун жаҳонда коронавирус пандемияси сабабли барча футбол ўйинлари томошабинларсиз ўтказилмоқда. Жумладан Ўзбекистон Суперлигасида ҳам учрашувлар томошабинларсиз бўлиб ўтади. Бироқ сиз жамоамизнинг барча уй учрашувларида стадиондаги мухлисига айланишингиз мумкин. Қандай қилиб? Деган савол туғилиши табиий.

Бунга ёрқин мисол қилиб Германия Бундеслигаси ва бир қатор жаҳон футбол лигаларида пандемия туфайли мухлисларсиз бўлаётган учрашувларда ўз жамоаларини руҳий қўллаб қувватлаш учун мухлислар ўз суратларини мухлислар секторларига жойлаштириб фотомухлисга айланишмоқда ва жамоаларини ёлғизлатиб қўйишмаяпти. Биз ҳам жамоамизни қўллаб қувватлаш мақсадида мухлисларимиз учрашувларга ташриф буюра олмасаларда, ўз суратлари билан фотомухлисга айланиб жамоамизни қўллаб-қувватлаш ва уларга руҳан далда бўлишлари мумкин. Қўшимча маълумотлар учун маркетинг бўлими ходими Санжар Сайфиев ёки мухлислар билан ишловчи мутахассис Ўктам Узоқовларга мурожаат қилишингиз мумкин. Бу ҳақда "Насаф" клуби матбуот хизмати хабар берди.

С.Сайфиев 91 224 74 74
Ў.Узоқов 91 462 21 99

Фотосуратларингиз ҳар бир учрашувда мунтазам мухлислар секторига қўйиб борилади.