“Наполи” ярим ҳимоячиси АПЛга кўчиб ўтади

“Наполи” ярим ҳимоячиси Аллан фаолиятини “Эвертон”да давом эттиради. Қайд этилишича, иккала клуб деярли келишувга эришиб бўлган. “Наполи” Аллан трансфери учун 30 млн еврога эга бўлади. Неаполликлар футболчининг Мерсисайд клубида қайд этадиган натижаларига қараб яна 5 млн евро бонус олиши мумкин. Аввалроқ Алланинг хизматларига “Атлетико М”дан ҳам қизиқиш борлиги айтилганди.

Маълумот учун, Аллан “Наполи” шарафини 2015 йилдан бери ҳимоя қилади.