Нагельсманн — ЕЧЛ ярим финалига чиққан тарихдаги энг ёш мураббий. У ҳозир 33 ёшда

Юлиан Нагельсманн қўл остидаги “Лейпциг” ЕЧЛ 1/4 финалида “Атлетико”ни 2:1 ҳисобида енгди ва ярим финалга чиқди. Немис мураббийи 33 ёш 21 кунлигида ушбу натижани қайд этди. Натижада Нагельсманн ЕЧЛ ярим финалига жамоасини олиб чиққан энг ёш мураббий сифатида тарихга кирди.

Аввалроқ Нагельсманнинг ўзи 32 ёш 231 кунлигида жамоаси билан плей-офф босқичида ғалаба қозонган энг ёш мураббий бўлганди.