МЮ тез орада Мбемо трансфери бўйича музокараларни бошлайди
03 июн 2025 17:35
Новости

МЮ тез орада Мбемо трансфери бўйича музокараларни бошлайди

"Манчестер Юнайтед" раҳбарияти яқин вақт ичида "Брентфорд" билан камерунлик ярим ҳимоячи Брайан Мбемо трансфери бўйича музокараларни бошлашни режалаштирмоқда.

Бу ҳақда журналист Флориан Плеттенберг Х ижтимоий тармоғида хабар берди.
Манбага кўра, футболчи аллақачон "қизил иблислар" сафига ўтишга розилик берган. Клуб ва Мбемо шартнома шартлари бўйича оғзаки келишувга эришди. Қайд этилишича, МЮ ушбу трансфер амалга ошишига ишонмоқда.
Ўтган мавсумда 25 ёшли Мбемо "Брентфорд"нинг энг яхши тўпурари бўлди. Камерунлик футболчи барча мусобақаларда 42 та ўйинда майдонга тушиб, 20 та гол урган ва тўққизта голли узатмани амалга оширган.