МЮ чемпионлик пойгасидами? Гвардиола дербидан олдинги матбуот анжуманида нималар деди?

"Манчестер Юнайтед" - "Манчестер Сити" учрашуви 29 октябрь куни 19:30да старт олади.

- Қайси жамоалар билан чемпионлик учун курашасиз?

- Бу ҳақда гапиришга жуда эрта. Айни дамдма барча курашда. Ортда қолиб кетганлар ҳам юқоридагиларга етиб олишлари мумкин. Қачонки жамоалар эндигина 9 тур ўйнашган бўлишса, олдинда улардан кўпроғини кутишади. Ўтган мавсумда феврал, март ойларида ҳам биз ортда эдик, бироқ барибир чемпионликка эришдик.

- "Манчестер Юнайтед" чемпионлик учун курашадими?

- Қачонки, мавсум якунига 9 тур қолганида шу саволни беришингиз мумкин. Ҳали олдинда ўйинлар жуда кўп. Барчаси бўлиши мумкин.

- "Юнайтед" устидан қозониладиган ғалаба қанчалик муҳим?

- "Олд Траффорд"да ғалаба қозониб, бизнинг менталитетимиз тўғри эканлигини кўрсатмоқчиман. Кўп ўйинларда ғалаба қилдик. Гап бизнинг ғолиб ёки мағлуб бўлишимизда эмас, шунчаки ғалаба қозониб, менталитетимиз тўғри эканлигини намойиш қилишимиз керак.

Ўртамизда соғлом рақобат юзага келган. "Сити" бош мураббийлигидаги саккизинчи мавсумим, шу давр мобайнида катта муаммолар, мунозарали ҳолатларни енгиб ўтдик. МЮни ютдик, улар ҳам ютишди. Албатта, ўтган мавсумда улар бизнинг треблни қўлга киритишимиз учун жиддий ҳалақит қилмоқчи бўлишди, - деди Гвардиола.