Музаффар Олимжонов: "Мазкур ўйиндаги ғалаба билан барча айбимизни ювдик деб ўйлайман"
29 апр 12:50
Новости

Музаффар Олимжонов: "Мазкур ўйиндаги ғалаба билан барча айбимизни ювдик деб ўйлайман"

Суперлиганинг 7-туридан ўрин олган "Бунёдкор" – ОКМК (1:0) учрашувидан кейин мезбонлар ярим ҳимоячиси Музаффар Олимжонов ўз фикрлари билан ўртоқлашди.

"Бугунги ўйинга алоҳида тайёргарлик кўрдик. Шу боис, Ўзбекистон кубоги 2-тур учрашувида асосий таркиб футболчилари иштирок этишмади. Ғалаба қозниш учун барча кучни ишга солдик. Голли узатмага келсак, шунчаки ўхшаб қолди.

Мураббий майдонда эркин ҳаракат қилишимизга рухсат берган, бизга хотиржам ўйин намойиш этишни уқтиради. Хато қилишдан қўрқманглар дейди.

Ҳеч қандай жамоада идеаллик мавжуд эмас. Баъзи ўйинларда гол уриш қийин. Масалан, "Қизилқум"га қарши ўйинда рақиб жамоа футболчилари ётиб олиш эвазига вақт чўзиб, қолаверса, ўз яриммайдонида 11 киши ҳимояланиб, вазиятлардан фойдаланиш имкониятини мураккаблаштирди.

Мазкур ўйиндаги ғалаба билан барча айбимизни ювдик деб ўйлайман. Мухлисларга миннатдорчилик билдираман. Улар бизни қўллаб-қувватлаб туришса, яхши натижалар билан хурсанд қилишга ҳаракат қиламиз", деди 23 ёшли футболчи.

Ссылка :

Источник : championat.asia

Получайте новости прямо в Telegram!

Рейтинг: