Мурод Исмоилов: "Навбаҳор"ни ушбу дуранг билан табриклайман"

Мурод Исмоилов, “Пахтакор” жамоаси бош мураббийи: “Бугун икки хил бўлим гувоҳи бўлдик. Биринчи таймда икки тўп фарқи билан ҳисобда олдинга чиқиб олгандик. Ўйиннинг иккинчи ярмида ҳам гол уриш учун имконимиз бўлганди, бироқ рақибимиз ўз мухлислари кўз ўнгида ўзларини кўзрсатиб, икки вазиятда фойдаланиб, ҳисобни тенглаштиришди. Учинчи ўрин олиш имкони қолмаганлиги боис гарчи шогирдларим ғалаба қозонмоқчи бўлишсада, бу уларнинг рухиятига таъсир ўтказди. Қолаверса, таркибда бир қатор йўқотишлар мавжуд эди. Боян Миладинович ва Александр Мерзляков жарохати туфайли бизга ёрдам беришолмади. Станислав Андреев, Дилшод Шарофутдинов ва Ойбек Қиличевлар жарохати билан ҳаракат қилишди. "Навбаҳор"ни ушбу дуранг билан табриклайман. Умуман олганда мавсумдаги ўйинимиздан қониқиш хосил қилдим, аммо натижа "Пахтакор" учун яхши эмас. Ўйинимизда ўсишга эришдик. Иккинчи даврада бир мағлубият ва икки дуранг қайд этдик. қолган барча учрашувларда ғалабага эришдик. Қийин вазиятлардан йигитларимиз чиройли чиқиб кетишди. Бунинг учун улардан миннатдорман”.