Мундиалдаги ҳакамлик Бусаккани қониқтиряпти

Яхши биласиз, швейцариялик Бусакка ўз вақтида ФИФА рефериси бўлган ва эътиборга молик бир қатор учрашувларни бошқарган.

“Жаҳон чемпионатини 25та ҳакамлар бригадаси билан бошлагандик, - дейди Массимо Бусакка. - Ҳозирги кунга келиб 15та бригадага жавоб бериб юбордик ва энг кучлиларни Бразилияда олиб қолдик. Мана шу қолганлар орасидан ярим финал, финал ва учинчи ўрин учун кечадиган ўйинларни бошқарадиган ҳакамларни аниқлаб оламиз”.

“Шу ўринда мен жаҳон биринчилигида ишлаган барча ҳакамларга ФИФА номидан ўз миннатдорчилигимни билдирмоқчиман. Тўғри, хатолар, баҳсли вазиятлар кузатилди, бироқ умуман олганда рефериларнинг иши бизни қониқтирди. Ўйлайманки, ҳакамлар учрашув натижасига жиддий таъсир кўрсатишгани йўқ”.