МТЖ. Бугунги машғулотлар ҳақида

Одатга кўра футболчилар дастлаб жисмоний тайёргарлик бўйича мураббий Андрей Шипилов бошчилигида чигалёзди машғулотларни бажаришди. Анвар Рашидов эса дарвозабонлар билан ишлади. Элдор Суюновнинг кеча тўйи бўлгани учун мураббийлар Ўзбекистон ёшлар терма жамоаси посбони Умиджон Ҳамроевни терма жамоага жалб қилишган. Эрта индин Суюнов терма жамоа ихтиёрига қўшилади. Россияда ўйнайдиган легионерларнинг эртага Тошкентга келишлари кутилмоқда. Азизбек Ҳайдаров эса ҳамон терма жамоа лагерида кўриниш бергани йўқ. Унинг жароҳати ҳақида аниқ маълумот йўқ.

Бугунги машғулотлардан фотогалереяни яқин вақт ичида сайтимизда томоша қилишингиз мумкин.

Ушбу йиғинга чақирилган футболчилар рўйхати (Ҳозирча йиғинга қўшилмаганлар ажратиб кўрсатилган):

Дарвозабонлар: Александр Лобанов (“Пахтакор), Игнатий Нестеров (“Локомотив”), Элдор Суюнов (“Насаф”)

Ҳимоячилар: Егор Кримец (“Бейжин Гоан” – Хитой), Анзур Исмоилов (Чангчун Ятай – Хитой), Ислом Тўхтахўжаев (“Локомотив”), Виталий Денисов (“Локомотив” -  Россия), Даврон Хошимов (“Пахтакор”), Станислав Андреев (“Пахтакор”), Отабек Шукуров (“Бунёдкор”).

Ярим ҳимоячилар: Одил Аҳмедов (“Краснодар” – Россия), Азиз Ҳайдаров (“Ал-Шабаб” – БАА), Жавоҳир Соҳибов (“Пахтакор”), Саламат Қутибоев (“Бухоро”), Одил Ҳамробеков (“Насаф”), Вадим Афонин (“Оренбург” – Россия), Сардор Рашидов (“Ал-Жаиш” - Қатар), Жалолиддин Машарипов (“Пахтакор”), Элдор Шомуродов (“Бунёдкор”), Сервер Жепаров (“Локомотив”), Жамшид Искандеров (“Пахтакор”), Марат Бикмаев (“Локомотив”).

Ҳужумчилар: Игор Сергеев (“Бейжин Гоан” – Хитой), Александр Гейнрих (“Ордабаси” – Қозоғистон).

Эслатиб ўтамиз, Ўзбекистон терма жамоаси 10 ноябрь куни Тошкентда Иордания билан ўртоқлик учрашуви ўтказади. Сўнгра 15 ноябрь куни Сеул шаҳрида ЖЧ-2018 саралаши доирасида Жанубий Корея меҳмони бўлади.