Моуринью: “Бу “мушук-сичқон” ўйини бўлди”

“Агар буни фантастика деб айтсангиз, майли шундай бўла қолсин. Бу масалада нейтрал эмасман. 4 та гол урганингдан кейин ғалаба қозонишинг керак. Ўйинимизни ҳисобга олсак, “Тоттенхэм” хотиржамлик билан зафар қучиши мумкин эди. Ҳужумкор футбол ва ҳимоядаги хатолар.

Футболчилар бор кучи билан ўйнашди. Тан олишим керакки, уларнинг баъзилари учун осон бўлмади, чунки яхши ўйнаб турганингда, аввалига битта, кейин иккита, сўнг учта хатога йўл қўйиб, 1:3 га ютқазаётган бўласан. Яхши, ижобий томонларини ҳам айтаман, буни кузатиш завқ берди.

Учрашув менга ёқди ва ёқмади. Биз тўп билан қандай ўйнаганимиз маъқул келди. Барчамизга оғир. Ҳақиқатан тўп билан яхши ҳаракат қилдик, матонатли ўйнадик, ҳисоб 1:0 бўлганида рақибдан устун эдик, 5 дақиқадан кейин эса хато, хато, хато, гол, гол, гол.

Курашни давом эттирдик, аммо янги хатоларга йўл қўйдик. Бу “мушук-сичқон” ўйини бўлди. Сичқонлар – бизнинг хатоларимиз, мушуклар – уларни тузатишга уринишларимиз”, дейди Жозе.