RU

Последние новости

10:54"Челси" 19 ёшли футболчининг трансфери учун 43 миллион сарфлайди  0 10:23"Қўқон-1912" футболчиси Ироқ клуби билан шартнома имзолади  0 09:58Ўртоқлик учрашуви. МЮ АҚШда йирик ҳисобда ғалаба қозонди  1 09:27Нима? "Ал Насср" Россия чемпионатида тўп сураётган футболчига 70 миллион евро бермоқчи  3 08:58Пролига. "Олимпик" 7 нафар футболчи билан шартнома имзолади  1 08:30Аббосбек Файзуллаев янги жамоасида машғулотларни бошлаб юборди  10 08:25Лига Кубоги. "Интер Майами" ғалаба қозонди, Месси ўз ҳисобига иккита голли узатма ёздириб қўйди  3 08:01"Андижон" трансфернинг сўнггида яна икки нафар футболчи билан шартнома тузди  3 07:34"Навбаҳор" икки нафар "Олимпик"нинг собиқ футболчилари билан шартнома имзолади  1 03:15Равшан Эрматов билан дуч келган мундиалда майдонга тушиш учун пул тўлаган, "Атлетико Мадрид" либосини кийган ҳамда Арманистонда рекордлар қайд этган "Насаф"нинг янги легионери билан яқиндан танишамиз   2 00:40"Барселона" бош мураббийи Флик: "Рэшфордни кўп йиллардан бери кузатиб келаяпман"  3 00:16Куртуа фаолиятини якунлагандан сўнг пойгаларда қатнашиш истагини билдирди  1 00:07Ўзбекистонда трансфер ойнаси расман ёпилди  8 23:46"Ал Насср" ўртоқлик ўйинида "Тулуза"ни мағлубиятга учратди. Феликсдан дебют, Роналдудан гол  4 23:27"Ман Юнайтед" "Ман Сити"га керак бўлмай қолган дарвозабонга қизиқмоқда  3

Мўъжиза рўй бермади, аммо ҳали барчаси олдинда. Ўзбекистон – Испания ўйинидан хулосалар Новости

Мўъжиза рўй бермади, аммо ҳали барчаси олдинда. Ўзбекистон – Испания ўйинидан хулосалар

Championat.Asia мухбири Николай Егоричев Ўзбекистон – Испания ўйинини таҳлил қилди.

Фақат тўғрисини тан олинг: ўйин бошлангунига қадар қандай натижани кутгандингиз? Агар ҳаммасини четга суриб, фақат футболни қолдирганда.

Шахсан мен Испания билан жуда қийин бўлишини тушунгандим. Аммо, айнан футбол тарафлама Ўзбекистон жанг таклиф қилишини тахмин қилгандим. Сабаби замонавий футболда фаворитларнинг андердогларни "тор-мор" этиб ташлашлари тобора камаймоқда.

Шундай ҳам бўлди. Ўзбекистон биринчи таймда ажойиб ўйин кўрсатди. Ҳаттоки нима билан Тимур Кападзе жамоасини кучайтиришни ҳам билмадим. Бизникилар баъзида узоқ ўйлашди ва испанларнинг ўз ярим майдонлари ва майдон марказини ёпишга имкон беришди. Бундай даражада, бундан ташқари бундай рақибларга қарши тезроқ қарор қабул қилиш керак. Хатонинг нархи айниқса дарвозангизга яқин жойда жуда юқори.

Ўзбекистон терма жамоаси прессингда яхши ишлади ва Испания терма жамоаси дарвозасига босим ўтказди. Деярли барчаси идеал эди, аммо жарима зарбасида гол урилди. Бахтимизга, бизникилар шундан ўзларига келиб, шундай ўйнашда давом этишди. Испанлар эса бунга тайёр эмасди.

Танаффусда ўз Telegram саҳифамга шундай ёздим: "Эндиликда асосийси дарвозамиз олдида қолиб кетмаслик ва биринчи таймдагидек ўйнаш. Худо хоҳласа, иккинчи бўлимга ҳам кучимиз етсин".

Айнан шу нарса танаффусдан сўнг рўй берди. Ўзбекистон терма жамоаси чарчагани билинди ва ўз дарвозасига яқин жойда ўйнади. Эҳтимол иккинчи рақам бўлиб ўйнашга ўтиб Тимур Кападзенинг кўрсатмаси бўлгандир. Эҳтимол ўйинчилар психологик тарафдан бироз чарчашган ва дуранг натижани сақлашга қарор қилишгандир. Испанлар темпни оширишди ва дарвозамизга кўпроқ босим қилишни бошлашди. Неъматов томонидан қайтарилган пенальти ва Гомеснинг голига қадар ҳам Испания терма жамоаси тўп киритиши мумкин эди.

Иккинчи ўтказиб юборилган гол эса бундай ўйинларнинг "классикаси". "Иккинчи темп"да жарима майдони чизиғи бўйлаб диагонал узатма. Марказий ярим ҳимоячилар мудофаа ўйинчилари билан битта чизиқда туриб олишди. Якунда, Гомес бир ўзи қолиб кетди ва хатосиз дарвозани нишонга олди.

Айрим мухлисларнинг шундай оҳангдаги изоҳлар ҳайратда қолдиради: "Катта ёшли ўйинчилар ҳалақит беришди. Олимпиадага йўлланма олганлар билан ўйнаш керак эди". Ўруновнинг Испанияга қарши ўйини билан бироз хафа қилганига қўшиламан, аммо рақибнинг ҳам даражасини ҳисобга олиш керак. Бундан ташқари, Эронда мавсум олдинроқ якунланди ва Остон шунчаки формасини йўқотган бўлиши мумкин. Ва гап бу ерда жисмоний ҳолатда эмас, балки ўйин тарафлама эди: у шунчаки расмий ўйинларда анчадан бери ўйнамаган. Шомуродов ва Алиқулов бўйича саволлар йўқ – улар ўзларининг доимий, яхши даражаларида ўйнашди.

Файзуллаевдан кўпроғини кутгандим. Аммо, бу ерда ҳам Ўруновдагидек ҳолат – РПЛда катта пауза бўлганди. Бундан ташқари, у кўпроқ чап қанот ёки марказий ҳужумкор ярим ҳимоячи ролида самаралироқ. Кападзенинг танаффусда уни Ўрунов билан қанотларда алмаштиришини кутгандим, аммо бу рўй бермади. Норчаев, Жиянов ва Ҳолматов захирадан яхши ўйинга қўшилишди. Кейинчи ўйинларда улардан кимдирнинг илк дақиқаларданоқ ўйнаши мумкин.

Испанлар ҳақли равишда ғалаба қозонишди, аммо барибир бу биз учун аламли. Испания терма жамоаси таркиб жиҳатидан анча кучлилигини тушунаман, аммо Ўзбекистон терма жамоаси ҳам ёмон ўйнамади. Агар Тимур Кападзе шогирдлари Миср ва Доминикан Республикаси билан ҳам шундай ўйнашса, плей-оффга йўл олишимиз аниқ. Аммо, бўшашиш ҳам кетмайди - ишлаш ва яна ишлаш керак.

Мўъжиза рўй бермади, аммо барчаси ҳали олдинда. Ўйин ҳам раҳмат. Дурангга жуда яқин эдик.


Николай Егоричев

Рейтинг: +16   

Комментарии

championat.asia
< посмотреть последние новости
Яндекс.Метрика