Мўйдин Мамазулумов кетма-кет учта ўйинда гол урди
31 авг 2013 09:07
Новости

Мўйдин Мамазулумов кетма-кет учта ўйинда гол урди

Тажрибали ҳужумчи Мўйдин Мамазулумов иккинчи даврани "Гулистон" сафида бошлади.

Биринчи даврада "Олмалиқ" сафида ўйнаган ҳужумчи 7та ўйинда майдонга тушиб 1та гол урганди.

"Гулистон" таркибида ўтказган дастлабки тўртта ўйинида футболчи 4та гол урди. У сўнгги уч турда майдонни голсиз тарк этмади. 15-турда "Сўғдиёна"га қарши ўйинда (2:0) Мамазулумов "Гулистон" таркибидаги илк голини урди. Кейинги турда "Локомотив" меҳмони бўлган Ашурматов шогирдлари йирик 2:6 ҳисобида ютқазиб қўйишди. Ўша ўйинда гулистонликларнинг ҳар иккала голига Мамазулмов муаллифлик қилди. 17-турда ўз уйида ўтган йилги чемпион "Пахтакор"ни қабул қилган "Гулистон" 2:3 ҳисобида мағлуб бўлди. Учрашув давомида ҳакам томонидан белгиланган пенальтини Мўйдин аниқ амалга оширганди.

Бу йил узлуксиз гол уриш борасида "Насаф"нинг ёш ҳужумчиси Азамат Алланиёзов рекордчи. У кетма-кет 6та турда майдонни голсиз тарк этмади.

Ссылка :

Источник : championat.asia

Получайте новости прямо в Telegram!

Рейтинг: