Модрич: "Мессининг "Барселона"да қолганидан мамнунман"
07 окт 2020 11:48
Новости

Модрич: "Мессининг "Барселона"да қолганидан мамнунман"

Мадриднинг "Реал" клуби хавбеки Лука Модрич "Барселона" форварди Лионель Месси ҳақида ўз фикрларини билдирди.

"Лионелнинг кетиши ёмон хабар бўлар эди. Мен Мессидек футболчининг "Барселона"да қолганидан мамнунман. Лионелнинг қолгани яхши бўлди, чунки "Реал" энг зўрлари билан ўйнашни хоҳлайди", - дейди хорватиялик ярим ҳимоячи.

Эслатиб ўтамиз, Месси ёзда "Барселона"ни кетишни хоҳлаши ҳақида огоҳлантирган. Аргентиналик футболчи "Манчестер Сити"га ўтишга яқин эди, аммо битим ҳужумчининг 700 миллион евролик товон пули сабаб амалга ошмади.

Лионелнинг каталонияликлар билан тузган шартномаси 2021 йилнинг ёзига қадар мўлжалланган.