Миржалол Қосимов: "Япония хатони кечирмайдиган терма жамоа"

"Натижадан қониққаним йўқ. Бугун ўз имкониятларимиздан паст ўйин кўрсатдик. Японияга қарши ўйинда бунча кўп хато қилсанг, дарҳол жазоланасан", - дейди Қосимов.

"Учрашув ўртоқлик мақомида бўлгани учун илк дақиқалардан очиқ футбол ўйнашга уриндик, шу боис икки ҳужумчини майдонга тушурдик. Бироқ рақиб ҳам ҳимояда, ҳам ҳужумда бирдек яхши ўйнади. Япониянинг қарши ҳужумлардаги тезкорлигини алоҳида таъкидлаб ўтган бўлардим. Бугун биз оптимал таркибда ўйнамаганимиз ҳам натижага таъсир қилди, лекин ўртоқлик учрашувлари айнан захира футболчиларни синовдан ўтказиб олиш учун ҳам керак", - дейди бош мураббий.

"Бугун кўп имкониятларга эга бўлгандик, афсуски улардан фойдалана олмадик ва йирик ҳисобда мағлуб бўлдик. Бироқ қўлни тушуриш керак эмас. Тўғри хулосалар чиқариб расмий ўйинларга тайёргарлик кўриш керак. ЖЧ-2018 саралашига қадар биз яна битта ўртоқлик ўйинини ўтказамиз", - дейди Миржалол Қосимов.