Миржалол Қосимов: "Финални шубҳасиз йил ўйини деб аташим мумкин"

- "Локомотив" жамоаси чемпионлик билан табриклайман. Ўйин икки жамоа учун ҳам муҳим аҳамиятга эга эмасди. Шу боисдан ҳам футболчилар руҳий босимдан халос ҳолда ўйнашди. Учрашувда футболчилар имкон қадар жароҳат олмасдан ўйнашлари кераклиги айтилганди. Олдимизда ўта муҳим баҳс турибди. Ўзбекистон кубоги финалида "Локомотив" билан беллашамиз. Бу тўқнашувни шубҳасиз йил ўйини деб аташим мумкин. Бизни жуда қизиқарли баҳс кутмоқда.

Гадоевни жароҳати? Ҳозирча аниқ бир нарса дейиш қийин. Эртага шифокорлар кўригидан сўнг ҳаммаси маълум бўлади. Мен Шоҳруҳ Гадоевни кўзларига қарадим, ўйлашимча, у қадар ёмон эмас. Барчаси тиббий кўрикдан кейин аниқ бўлади.

Тактик схемани ўзгариши нима билан боғлиқ? Бу рақибни чалғитиш эмас, балки финал олдидан расмий машғулот бўлди, дейиш мумкин. Айнан шундай ўйинлар орқали янги тактик схемаларни синаб кўриш керак. Тактика ўзгаргани боис футболчилар ҳимояда баъзи хатоларга йўл қўйишди.