Миодраг Радулович бошчилигидаги Ливан тарихий натижа қайд этди
15 ноя 2017 14:09
Новости

Миодраг Радулович бошчилигидаги Ливан тарихий натижа қайд этди

Куни кеча Осиё қитъасида 2019 йилги Осиё Кубоги саралаш баҳслари бўлиб ўтди.

"Пахтакор" клуби собиқ устози Миодраг Радулович бошчилигидаги Ливан терма жамоаси сафарда Гонконгни мағлуб этиб Осиё Кубогига йўлланмани қўлга киритди. Шу тариқа, Ливан ўз тарихида илк бор қитъа чемпионати саралашидан муваффақиятли ўтди. Ливанликлар 2000 йилда ҳам Осиё Кубогида қатнашишган, аммо ўшанда мусобақа Ливанда ўтгани учун жамоа саралашсиз Осиё Кубогида иштирок этган эди.

Радулович бошчилигидаги жамоа охирги 13та ўйиннинг ҳеч бирида рақибларига ютқазмади - 6 ғалаба, 7 дуранг.

Миордраг Радулович 2015 йил бошидан буён Ливан терма жамоасини бошқариб бормоқда. Ушбу мутахассис 2010 йил январь ойидан апрель ойига қадар "Пахтакор" бош мураббийи сифатида ишлаганди.

Ссылка :

Источник : championat.asia

Получайте новости прямо в Telegram!

Рейтинг: +17