"Миллий"да ўйнай олмаётган миллий терма жамоа

Лекин стадион ўйин пайти қулаб тушаётгани йўқ, стадионга кираётган мухлис тойиб кетиб касалхонага тушмади. Муаммо фақат майсада холос. Стадионни атрофидаги яна 4та табиий майдон бор ва уларнинг барчаси бинойдеккина. Лекин стадионни ичидаги майса ярим йилга бормай чириб кетаверади, тупроққа илдиз отиб улгурмайи. Аввал ҳам бу ерда стадион бўлган. Мозорга яқин ҳудудда эса академия қурилган. У ердан яхши футболчилар чиқиб турибди. Бунинг сабаби бошқа! Аниқ сабаби шундаки, стадионнинг архетектураси ичидаги майсани илдиз отиб кетишига ҳалақит қилади. Яъний ҳаво айланмайди, "циркуляция" йўқ!

У ерда энг қиммат майса экманг фойдаси йўқ. Вақт ўтиб у ҳам кучини йўқотади ва ҳар сафар биз кўрадиган ҳолатга келиб қолаверади. Пайтида "Бунёдкор" клуби стадионни анча вақтга ёпиб қўйди, фойдаси бўлмади.

Агар шу йили яна Тошкентда ўртоқлик учрашувини ўтказдиган бўлсак, "Пахтакор"да ўтказайлик. Агар келаси йил "Пахтакор"да қайта қурилиш ишлари бошланиб кетадиган бўлса, ЖАР стадионини МТЖни учун чиройликкина қилиб тайёрлаб қўйсак бўлади. Миллий терма жамоамиз ўйнаган ўйинларида бари-бир 10 000 нафар мухлис келмаяпти. Масалан КХДР билан баҳсда 6-7 минг нафар мухлис келган бўлсада, 2700та чипта сотилган, бу жуда кам!

Айнан шу стадиондаги пала-партишлик деб Ливан билан ўйини зўрға ютганмиз ва тўплар нисбатига кўра ЖЧга чиқа олмадик. Жанубий Корея билан бўлиб ўтган "ЖЧ" ўйинида эса на корейслар, на бизникилар ўйнай олишган. Охири футболчилар ҳам ёрилди...

Миллий терма жамоамиз жозибадор ўйин кўрсатишини истасак, стадион манзилини ўзгартиришиз керак.