“Милан” билан ЕЧЛ ғолиби бўлган ўйинчи 4 йиллик танаффусдан кейин майдонга қайтмоқда

У майдонга қайтишни истамоқда. Бу ҳақда Гюркуффнинг “Бордо”даги собиқ жамоадоши Маруан Шамах хабар қилди.

“Йоанн ҳақида яхши янгилик бор. У майдонга қайтиши мумкин. У билан бу ҳақда тез-тез гаплашиб тураман. Унинг қарашлари ўзгаришсиз қолган. Гюркуфф оиласи билан кўпроқ вақт ўтказиш учун футболдан кетди. Аммо энди қайтиш имкониятига эга бўлиб турибди”, дейди Шамах.

Эслатиб ўтамиз, 36 ёшли ярим ҳимоячи “Ренн” тарбияланувчиси ҳисобланади ва профессионал фаолиятини 2003 йил айнан шу клубда бошлаган. Бундан ташқари, француз “Бордо” ва “Милан” билан бирга “Лион” шарафини ҳам ҳимоя қилган.