Микаэль Секейра Ўзбекистон термасини бошқарган бўлармиди?

- Чиройли ўйин бўлди, икки томон ҳам иккинчи бўлимда яхши ўйин кўрсатди. "Турон" таркибида юқори савияли футболчилар бор. Гарчи улар паст поғонани эгаллаб турган бўлса-да, юқорига кўтарилиши учун имкониятлар етарлича. Футболчиларимдан миннатдорман. Улар рақибни ҳурмат қилган ҳолда майдонда жанг олиб боришди. "Локомотив"ни 3 очко билан табриклайман.

- Сўнгги дақиқаларда гол ўтказиб юбориш анъанасидан қутулганингиз билан табриклайман. Иккинчи бўлим бошида Жумабоев ва Амоновнинг майдонга тушгани кўп нарсаларни ўзгартириб юборди.
- Бу режамизда бор эди. Ўйиннинг динамикасини сезган ҳолда биз бунга тайёр тургандик. Шу боисдан уларни тезда захирадан майдонга туширдик. Ўзгаришдан кейин биз доимий кўрсатган ўйинимизни кўрсата олдик.

- Биринчи бўлимда икки жамоа секин ўйнади. Иккинчисида эса икки томон ҳам тез ўйнади.
- Ўйиннинг динамикасига ўзгартириш киритдик, шунингдек, футболчиларнинг жойлашуви ҳам ўзгарди. Биз икки футболчи олдинда, марказда эса 4 футболчини ўйнатишга ҳаракат қилдик. Шу орқали биз уларга блок қўйишга муваффақ бўлдик. Айнан шу натижа олиб келди. Иккинчи бўлимга тушишдан олдин тактикаларни ҳам ўзгартирдик. Футболчилар ҳам бу ғояларга ишонди.

- Сречко Катанецнинг ўйинга келгани қўшимча куч берадими?
- "Локомотив" таркибида яхши футболчилар кўп. Бу барча футболчилар учун сигнал. Демак, биз мавсумни яхши ўтказяпмиз. Таркибимиздаги кўплаб футболчилар термага лойиқ. Ким ўйнаса ҳам Ўзбекистон термасига омад тилайман. Терма чиройли ўйинлар кўрсатиб, ЖЧга чиқишини тилаб қоламан. Ўзбекистонда футболчилар жуда кўп. Уларни тактик томонлама тарбиялаш керак.

- Сречко Катанецнинг вариантига қадар кўплаб комментларда мухлислар Микаэль Секейрани терма бош мураббийи қилиш таклифи билан чиқди. Келажакда Ўзбекистон миллий термасидан таклиф тушса, қабул қиласизми?
- Ўйлаб кўрса бўлади. Бундай имконият бўлиши керак. Мен бу ерга "Локомотив" учун келганман. Барча фикрим шу клубда.