Мигел Родриго: "Пенальтидаги биринчи зарбада тўп чизиқни кесиб ўтгандек туюлди"

"Ўйин биз кутганимиздек кечмади. Бир қанча вазиятларда ёмон ҳаракат қилдик. Рақибни табриклаймиз, улар ҳақли равишда ғалаба қозонишди. Аввалги уч ўйинга қараб ҳам Вьетнамни яхши жамоа эканлигини билиб олиш мумкин эди. Рақибга нисбатан кўп ҳужум қилдик. Дарвозага ҳам биз кўпроқ зарба бердик. Афсуски ўз имкноиятларимиздан фойдалана олмадик. Бир қанча вазиятларда омадимиз келмади, бошқаларида эса рақиб яхши ҳимояланди. Ўйиндан сўнг йигитларга хотиржамликни сақлаш кераклигини айтдим. Учрашув осон бўлмади. Пенальтидаги биринчи зарбада тўп чизиқни кесиб ўтгандек туюлди. Лекин ҳакам мендан ҳам яхшироқ кўра оладиган жойда эди. Бу баҳона эмас. Спортда бундай воқеалар бўлиб туради. Ўйинни таҳлил қиламиз. Йигитлар вазиятни яхши тушуниб туришибди. Умид қиламанки ушбу турнир биз учун муваффақиятли якунланади ва жамоа ўз мақасадига эришади" - дейди мураббий.