"Металлург" Даврон Эргашев билан хайрлашди
09 июл 2024 18:06
Новости
"Металлург" Даврон Эргашев билан хайрлашди
Давралар оралиғидаги танаффусда Бекободнинг “Металлург” жамоаси яна бир легионер ўйинчиси билан хайрлашди.
Клуб тожикистонлик тажрибали ҳимоячи Даврон Эргашев билан ўзаро келишувга биноан шартномани бекор қилди.
Даврон Эргашев “Металлург”га 2024 йил бошида Тошкентнинг “Бунёдкор” жамоасидан келиб қўшилганди. Ярим мавсум давомида Эргашев “Металлург” либосида Суперлиганинг 9 та учрашувида майдонга чиқди: 7 та ўйинни бошланғич таркибда бошлаган бўлса, 2 та баҳсда заҳирадан ўйинга туширилди. 662 дақиқалик фаолияти давомида у 1 марта сариқ карточка билан жазоланди. Ўзбекистон кубогининг гуруҳ босқичи баҳсларида эса иккита ўйинни майдонда тўлиқ ўтказди.
“Металлург” футбол клуби Даврон Эргашевга Бекободдаги фаолияти учун миннатдорлик билдиради ва унинг келгуси фаолиятига омад тилайди.

Похожие новости
championat.asia
Суперлига. "Нефтчи" "Андижон"ни йирик ҳисобда мағлуб этди, Искандеров ўйинни ҳал қилди
Суперлига. "Навбаҳор" сафарда "Пахтакор"ни мағлуб этди
Родриго тиззасидан операция қилинди
Ла Лига. Ламин Ямалнинг голи "Барселона"га меҳмонда "Атлетик"га қарши ўйинда ғалаба тақдим этди
Комментарии