Мбаппе рекорд ўрнатди
14 ноя 23:54
Новости

Мбаппе рекорд ўрнатди

Килиан Мбаппе фаолиятидаги 400-голини Лео Месси ва Криштиану Роналдудан эртароқ урди.

"Реал" форварди ва Франция термаси ҳужумчиси кеча ЖЧ-2026 саралашида Украина дарвозасига иккита гол урди. Бу пайтда у 26 ёш, 10 ой ва 24 кунлик эди.

Шу орқали Мбаппе фаолиятида 400-голини урган энг ёш футболчига айланди. У бу борада Герд Мюллер (27 ёш, 2 ой ва 17 кун), Лео Месси (27 ёш, 3 ой ва 3 кун) каби футболчилардан эртароқ натижа кўрсатди. Лекин Килиан ушбу футболчилардан кўра кўпроқ ўйинда қатнашди - Килианда 537, Мюллерда 403 ва Мессида 525 ўйин.

Ундан фақатгина Пеле ёши бўйича 400та голни эртароқ урган. Бироқ бу ўтган асрда қайд этилган. Мбаппе эса XXI асрда 400та голни энг эрта урган футболчига айланди.

Ссылка :

Источник : transfermarkt

Получайте новости прямо в Telegram!

Рейтинг: +5