Мбаппе, Рамос ва ПСЖнинг бир неча ўйинчилари машғулотларда пенальти тепишни машқ қилишган

ПСЖ клубининг бир неча футболчилари "Бавария"га қарши ЕЧЛ ўйинидан олдинги машғулотда пенальти тепишни машқ қилишган. Манбанинг маълум қилишича, жамоа айнан пенальтилар сериясига алоҳида тайёрланмаяпти. Бироқ, жамоанинг бир неча ўйинчилари пенальти тепишни машқ қилишган. Улар орасида Килиан Мбаппе, Серхио Рамос ва яна бир неча ўйинчилар бор. Мураббийлар ПСЖ дарвозабонларига "Бавария"даги пенальти тепадиган футболчиларининг қандай усулда зарба беришлари мумкинлигига ҳам кўрсатмалар беришган. 

Маълумот учун, "Бавария" – ПСЖ учрашуви бугун тунги 01:00 да бошланади. Биринчи ўйинда "Бавария" 1:0 ҳисобида ғалаба қозонганди.