Мбаппе ПСЖни мавсум сўнгида клубдан кетиши ҳақида огоҳлантирди

Франциялик футболчи фаолиятини бошқа чемпионатда давом эттирмоқчи. Гап Ла Лига ва АПЛ клублари ҳақида кетмоқда. ПСЖ президенти Носир Ал Хелайфи эса на Мбаппе, на Неймар яқин орада клубдан кетмаслигини айтган эди.

Мбаппе "Пари Сен-Жермен"га 2017 йилнинг ёзида "Монако"дан ижара асосида ўтган ва бир йилдан сўнг Париж клуби уни 145 миллион еврога харид қилган эди.

21 ёшли Мбаппе ўтган мавсум Франция чемпионати доирасидаги 20та ўйинда майдонга тушиб, 18та гол ва 5та ассист қайд этди. Унинг клуб билан тузган шартномаси 2022 йилнинг ёзига қадар мўлжалланган.