Майсал Топволдиев: “Болаларимиз сифатли майдонларда тўп тепаётганлиги бизни хурсанд қилмоқда"

"Қўқонда жуда яхши турнир ташкилланган. Биз бу ерда эканлигимиздан мамнунмиз. Барча жамоалар яхши , кучли жамоалар йиғилган. Биз Қирғизистондан 4 та жамоа келганмиз. Худо хохласа болаларга омад тилайман. Кучлилар чемпион бўлсин",- дейди Майсал Топволдиев.

- Бу ерда яратилган шароитлар сизни қониқтирмоқдами ?

- Албатта , барчаси аъло даражада. Майдонлар жуда сифатли, барча керакли анжомлар , тўплар етарли. Ҳеч қайси жабҳада муаммо йўқ. Фақат футбол ўйнаш керак ва ютиш керак. Айниқса табиий майдонларда ўйнаётганимиз  бизни хурсанд қилади. Аксарият болалар ўртасидаги мусобақаларда футбол майдонлари билан боғлиқ муаммолар кузатилади. Бу ерда эса биз суперлига жамолари даржасидаги стадионларда футбол ўйнаяпмиз. Бундай майдонда болаларимиз жароҳат олиши камаяди, футбол ўйининиг сифати ортади.

- Ҳозиргина “Аҳмадхон” спорт клуби футболчилари устидан жамоангиз  йирик ҳисобда ғалаба қозонди. Бу учрашув ҳақида нима дейсиз ?

-Биз кеча Бухоролик футболчиларга ютқазиб қўйган эдик. Кечагидан кўра бугун болаларимиз анча майдон ва шароитларга мослашиб олишди. Улар бугун майдонда анча эркин ҳаракат қилишди.  Бу ёшда ҳисобда олдинда борган жамоанинг ўйини янада яхшиланиб боради. Аксинча бўлса болаларни руҳан ўзларига келтириш қийин. Ўйламайнки болаларимиз бундан кейинги ўйинларда ҳам яхши ўйин кўрсатишади.

- Ҳозирги кунда Қирғизистонда болалар футболига бўлган эътибор қай даражада?

- Сўнгги йилларда юртимизда болалар футболи анча ривожланмоқда. Болалар футболининг моддий-техника базаси яхшиланди. Ҳар бир футбол мактаблари спорт инвентарлари  билан давлат  томонидан таъминланган. Турли мусобақалар болалар ўртасида ташкилланмоқда.  Ўзбекистонда ҳам болалар футболи яхши ривожланмоқда деб ҳисоблайман. 

-  Ўзбекистонда бўладиган мусобақаларга биринчи келишингизми ёки аввал ҳам келганмисиз ?

- Йўқ бу биринчи келишимиз эмас. Биз Ўзбекистонда ташкил қилинадиган турнирларга тез-тез келиб турамиз. Тошкент ва Бухорода бўлиб ўтган мусобақаларда ҳам иштирок этганмиз. Мусобақаларни ташкиллаштиришда Ўзбекистонлик болалар мураббийлари анча фаол . Бухоролик Акмал ака , Тошкентда Азиз ака бизни мусобақаларга таклиф қилиб туришади. Бундан ташқари бизга анча яқин бўлган Андижон шаҳрига ҳам тез-тез келиб футбол ўйнаб турамиз.  Фурсатдан фойдаланиб Қўқондаги турнир ташкилотчиларига ўз миннатдорчилигимни билдираман.