"Машъал": Шоҳжаҳон Қиличев олий лигада дебют учрашувини ўтказди

Бу ўйинни асосий таркибда бошлаган футболчимиз Шоҳжаҳон Қиличев шу куни Олий лигада дастлабки ўйинини ўтказди. 20 ёшли ҳимоячимиз бу баҳсда 70 дақиқа ҳаракат қилди.

Эслатиб ўтиш керакки, Қиличев 17 ёшгача бўлган ўсмирлар ўртасида Осиё чемпиони ҳисобланади.

Шоҳжаҳонни биринчи ўйини муваффақиятсиз якунланган бўлса ҳам, кейинги ўйинларда ўзини кўрсатишига ва жамоамизнинг асосий футболчиси бўлишига ишонамиз ва омад тилаймиз.

"Дебют ўйинимда бундай натижа бўлишини кутмаган эдим. "Андижон"га қарши жуда ҳам қийин ўйин бўлди. Ўйинимга мураббийлар баҳо беради. Энг аввало айтиб ўтишим керакки, менга ишонч билдириб асосий таркибга қўйгани учун Александр Хомяковга миннатдорчилик билдираман. Бу мураббийдан кўп нарсани ўрганмоқдаман. Кейинги ўйинларда менга билдирилган ишончни тўла оқлаш учун майдонга тушаман", - дейди Қиличев расмий сайтимизга.