"Машъал" мухлислари диққатига

Воҳа дербиси мақомида ўтувчи мазкур баҳс эртага 18:30 да старт олади. Бу ўйинга ташриф буюрувчи мухлислар учун энди стадионда қулайликлар яратиб берилади. Ўтган турдан бошлаб учрашувга кириш учун чиқарилган чипта нархлари арзонлаштирилган эди. Унга кўра энди биринчи ва иккинчи секторларга кириш нархи 3000 сўмдан бўлса, қолган барча секторлар учун 2000 сўмдан бўлади. Ундан ташқари 12 ёшгача бўлган болаларга кириш 500 сўмдан этиб белгиланди. Мухлислар энди чипталарни нафақат нақд пул , балки стадион кассаларидан пластик карточкалар орқали ҳам беммалол харид қилишлари мумкин. Стадион кассаларига ўрнатилган терминал орқали ўзингизга керак бўлган чипталарни ҳеч қандай муаммосиз харид қилиб оласиз.

Эслатиб ўтамиз, "Машъал" - "Шўртан" учрашуви эртага 18:30 да старт олади.