Марадона: “Италиянинг Уругвайдан устунликлари бор”

“Италияни дурранг ҳам қониқтиради, чунки уларда тўплар нисбати яхши, Уругвай эса фақат ғалаба қозониши керак. Шунинг учун уларда устунлик томонлари бор, рақиб кучини ҳисобга олиб ақлли ўйин қилишлари ва ҳолатдан келиб чиқиб керакли қарорларга келишлари мумкин.

Ҳеч қайси жамоа бу мундиалда ютуқ чўнтакда дея олмайди. Уругвайнинг ҳужуми кучли ва улар бу кучни Англия билан учрашувда намоиш этишди.

Бизни икки ҳил услубда ўйнайдиган жамоалар баҳси кутиб турибди ва барчанинг нигоҳи Суарес ва Балотеллида бўлиши аниқ”  - дейди Марадона.