Марадона Аргентинанинг Нигериядан учраган мағлубиятидан кейин жамоани бошқармоқчи
15 ноя 2017 20:04
Новости

Марадона Аргентинанинг Нигериядан учраган мағлубиятидан кейин жамоани бошқармоқчи

Аргентина терма жамоасининг собиқ бош мураббийи Диего Марадона яна миллий терма жамоани бошқармоқчи эканлигини маълум қилди.

Марадона бундай қарорини аргентиналиклар Хорхе Сампаоли бошқарувида ўртоқлик ўйинида Нигериядан мағлубият (2:4)га учраганидан кейин эълон қилди.

"Ким кўпроқ ғалабани қўлга киритган? Келинг хулосалар чиқарамиз.

Мен ҳавотирдаман, чунки улар обрўни йўқотишмоқда. Лекин, йигитлар айбдор эмас. Мен қайтишни хоҳлайман", - деб ёзди Марадона ўзининг инстаграмдаги саҳифасида.

57 ёшли мутахассис юқоридаги гапларни ёзиш билан бирга Аргентина мураббийларининг натижаларини ҳам жойлади. Унда Марадона 75% ғалаба билан энг яхши кўрсаткичга эга.

Эслатиб ўтамиз, Марадона Аргентина терма жамоасини 2008 йилнинг октябридан 2010 йилнинг июлига қадар бошқарган. У жамоа билан ЖЧ-2010нинг чорак финалигача борган.