"Манчестер Юнайтед" - АПЛнинг молиявий етакчиси

Шу билан бирга, "Манчестер Юнайтед" доимо энг қиммат клублар сафида бўлган.

1999 йилда барча жамоаларнинг умумий нархи 1,5 млрд. фунт эди ва фақат "Манчестер Юнайтед"нинг ўзи 625 млн. фунт бўлган. 2015 йилда Премьер-лиганинг барча клублари нархи 8,4 млрд. фунтга етди ва "қизил иблислар" 1,85 млрд. фунтга баҳоланиб, рўйхатда биринчи ўринни эгаллаб турибди. Уларнинг энг яқин таъқибчиси "Арсенал"дир (1,12 млрд. фунт).

Доктор Маркхэм ҳисоб-китобда фойда, жамоа активлари ва умумий рентабелликка асосланган формуладан фойдаланган. Унинг фикрича, яқин йиллар ичида инглиз клубларининг нархи фақат ўсади.

"Бу лигага чиқишнинг ўзиёқ клубга 60 млн. фунт нарх қўшади. Жамоага 2016-2017 мавсумдаги трансляция учун пуллар кела бошласа, ҳар бир клуб яна ўнлаб млн. фунтга ўсади" - дейди Маркхэм.

1999 йилдан бери телеҳуқуқлар баҳоси деярли 10 бараварга ошган, олий дивизион клубларининг умумий фойдаси эса 353%га ўсган ва йилига 772 млн. фунтдан, 3,5 млрд. фунтга кўтарилди.