"Манчестер Юнайтед" АПЛ тарихида энг юқори маош тўлаш бўйича "Манчестер Сити"ни ортда қолдирди

"Юнайтед" 21/22 йилги мавсумда 384 миллион фунт стерлингни иш ҳақига ажратган, бу янги юқори кўрсаткич саналади.

Аввалги рекорд 2021-йил "Сити" томонидан ўрнатилган бўлиб, ўшанда "шаҳарликлар"нинг маоши 350 миллион фунт стерлингни ташкил қилганди. 

МЮнинг ўтган мавсумдаги катта маоши қисман Жейдон Санчо, Рафаэль Варан ва Криштиану Роналду каби футболчиларга сарфланган.

Бироқ клубнинг соф қарзи ҳозирда 514,9 миллион фунтни ташкил этади, бу ўтган йилги 419,5 миллион фунт стерлингдан 95,4 миллион фунтга кўпроқ дегани.