"Манчестер Юнайтед" учун 2014 йил ёмон бошланди

Учрашувнинг 34-дақиқасида Кристиан Эриксен томонидан узатиб берилган тўпни Эммануэль Адебайор мезбонлар дарвозасига аниқ йўллаб ҳисобни очди - 0:1. 38-дақиқада Роберто Сольдадо бирга-бир вазиятдан унумли фойдалана олмади. Шу тариқа биринчи бўлим ўз ниҳоясига етди.

58-дақиқада Уэлбек рақиб жарима майдони ичида Эриксенни алдаб ўтиб Кирикеш томонидан йиқитилди, бош ҳакам Ховард Уэбб пенальти белгилаш учун асос етарли эмас деб топди.

66-дақиқада Кристиан Эриксен боши билан гол уриб ҳисобни 0:2 кўринишига келтириб қўйди. Кейинги дақиқада ҳисоб қисқарди. Денни Уэлбек ўзини кўрсатди - 1:2. Қолган дақиқаларда майдон эгалари гол уришга ҳар қанча ҳаракат қилишмасин "Тоттенхэм" ҳимоячилари ва дарвозабони ишончли ўйнашди. Шу тариқа "МЮ" йилни ўз майдонидаги мағлубият билан бошлашга мажбур бўлди.


Англия чемпионати мусобақа жадвали

"Манчестер Юнайтед" - "Тоттенхэм" 1:2
Голлар: 0:1 - 34 Адебайор (Эриксен). 0:2 - 66 Эриксен (Леннон). 1:2 - 67 Уэлбек (Янузай).
"Манчестер Юнайтед":  Де Хеа, Смоллинг (Кагава, 61), Видич, Дж. Эванс, Эвра, Кэррик (Х. Эрнандес, 61), Клеверли (Эшли Янг, 84), Валенсия, Руни, Янузай, Уэлбек.
"Тоттенхэм": Льорис, Уокер, М. Доусон, Кирикеш, Роуз, Капу (Бенталеб, 64), Дембеле, Леннон, Эриксен, Адебайор (Шадли, 70), Сольдадо (Кейн, 75).
Огоҳлантиришлар: Руни (41), Дембеле (80), Янузай (89)