"Манчестер Сити"нинг уч ҳимоячиси мавсум якунигача сафдан чиқди
09 мая 2022 19:15
Новости

"Манчестер Сити"нинг уч ҳимоячиси мавсум якунигача сафдан чиқди

"Манчестер Сити" ҳимоячилари Рубен Диаш, Жон Стоунз ва Кайл Уокер жароҳати сабаб Премьер-лиганинг мавсумдаги қолган учта ўйинида иштирок эта олмайди.

Бу ҳақда "шаҳарликлар" бош мураббийи Пеп Гвардиола айтиб ўтди.

Бир кун аввал Диаш Премьер-лиганинг "Ньюкасл"га қарши ўйинида (5:0) мушаклари шикастлангани учун танаффусда алмаштирилганди.

Аввалроқ Уокер тўпиғидаги муаммолар туфайли Чемпионлар лигаси 1/2 финалининг илк ўйинини (1:3) ўтказиб юборган, Стоунз эса тиззасидан олган жароҳати туфайли сўнгги икки ўйинни ўтказиб юборганди.

“Сити” охирги уч учрашувни сафарда “Вулверхэмптон”, “Вест Хэм” ва ўз майдонида “Астон Вилла”га қарши ўтказади.

Ссылка :

Источник : Sky Sports

Получайте новости прямо в Telegram!

Рейтинг: +2