"Манчестер Сити" спорт директори: "Ёш ҳимоячи бўлишига қарамай, Абдуқодир жуда ақлли"

Клуб директори Чики Бегиристаин ҳимоячининг улкан салоҳиятга эга эканлигини таъкидлаб, унинг "Этиҳад"га келганидан мамнун эканлигини билдирди.

"Унинг жамоамизга қўшилганидан жуда хурсандмиз ва ҳаяжондамиз.

Ёш ҳимоячи бўлишига қарамай, Абдуқодир аллақачон жуда ақлли, шунингдек, кучли, шижоатли ва ғоят тезкор хислатларни ўзида мужассам этган.

Пеп билан ишлаш уни янада ривожлантиради.

Биз ҳақиқатан ҳам ажойиб трансфер амалга оширдик, чунки Европанинг энг кучли жамоаларидан бири бўлиб қолишни мақсад қилганмиз".

"Манчестер Сити"нинг барча аъзолари Абдуқодирни клубимизда кутиб олишдан мамнун" - деди Бегристайн.