"Манчестер Сити" дарвозабони клубни тарк этди
09 июн 2025 18:20
Новости

"Манчестер Сити" дарвозабони клубни тарк этди

"Манчестер Сити" клуби Скотт Карсоннинг клубни тарк этганини эълон қилди.

Дарвозабон жамоа таркибида олти мавсум ўтказди. Унинг ҳисобида "Сити" сафида иккита расмий ўйин бор: Чемпионлар лигаси (2022 йил март) ва АПЛда (2021 йил май) биттадан.

"Скот Карсон ёзда шартномаси якунлангач, "Манчестер Сити"ни тарк этади.

Биз Скоттга машаққатли меҳнати, фидойилиги учун миннатдорчилик билдирамиз ва унга келажакда омад тилаймиз," - дейилади "Манчестер Сити" хабарида.

Умуман олганда, 39 ёшли дарвозабон фаолияти давомида клуб миқёсида 522 та ўйин ўтказган, шунингдек, Англия терма жамоаси сафида 4 та ўйин ўтказган.

Карсон "Сити" билан 4 марта АПЛ чемпиони бўлди, Клублар ўртасидаги Жаҳон чемпионатида ва бир марта УЕФА чемпионлар лигаси ғолиби бўлди, бир марта Англия Суперкубоги, бир марта УЕФА Суперкубогини қўлга киритди.