Мамазулунов "Навбаҳор"да қолади

Йиғин сўнггида футболчиларимиз Жиззахнинг "Сўғдиёна" жамоасига қарши майдонга тушишади. Беллашув соат 11.00да бошланади. Сўнгги пайтларда мухлисларимиз таркибга янги ўйинчиларни қўшилмаётганлигидан норози бўлишмоқда. Барчага маълумки, ўтган йилги таркиб ўзаги сақлаб қолинган. Айнан шу сабабли жамоага олдинги йилларга қараганда камроқ футболчи келди. Ҳозирда клуб раҳбарияти ва мураббийлар штаби айрим позицияларни кучайтириш борасида зарур бўлган футболчиларни қидиришмоқда. Бу борада асосий урғу хорижий футболчиларга қаратилаётганини инобатга олиш лозим. Яъни, селекция ишлари бир зумга бўлсада тўхтатилганича йўқ. Агарда жамоа ўйинига мос тушадиган, легионер талабига жавоб берадиган футболчилар топилса, улар жамоа сафига қўшилишади.

Мавсумлар оралиғидиа жамоамизга жалб этилган Мўйдин Мамазулумов "Навбаҳор"да қоладиган бўлди. Жамоа бош мураббийи Бахтиёр Ашурматов тажрибали футболчи билан келишувга эришилганлигини маълум қилди.

Эртага бўлиб ўтадиган ўйиндан сўнг футболчиларимизга бир неча кунлик таътил эълон қилинади. Навбатдаги йиғин ҳам Тошкентда бўлиб ўтади. Ушбу машғулотлар 3 февральдан бошланади. Пойтахтдаги навбатдаги йиғин чоғида "Навбаҳлор" ПФЛ кубогида қатнашади.