Максим Шацких: "Асосийси кейинги босқичга йўл олдик. Ўйин ҳақида эса гапиришни истамайман"
26 апр 19:23
Новости
![](https://championat.asia/upload/storage/788760_original.jpg)
![](/upload/storage/788760_220.jpg)
Максим Шацких: "Асосийси кейинги босқичга йўл олдик. Ўйин ҳақида эса гапиришни истамайман"
- Ўйин ҳақида
- Ўйин ҳақида ҳеч нимани гапиришни хоҳламайман. Кейинги босқичга чиқиш масаласини ҳал қилдик. Кейинги учрашувларга тайёргарлик кўришимиз керак. Кетма-кет икки ўйиндан буён бир киши кам бўлиб ўйнамоқдамиз. Йигитларга раҳмат матонат кўрсатишмоқда. Биз камчиликда яхшироқ ўйнаяпмиз.
- Жамоа иккинчи бўлимда ўйинни ўзгартирди. Жамоанинг биринчи таймда суст ўйинига нима сабаб деб ўйлайсиз?
- Билмайман. Бу ўтган мавсумдан қолган касалимиз. Ҳаво иссиқлик қилаяпти дейдиган бўлсам, икки жамоа майдонда тўп тепишмоқда. "Пахтакор" янгилик кутиш нотўғри, сабаби ўтган мавсумдаги таркибимиздан фақатгина уч нафар футболчи қолди. Бу катта ўзгаришлар рўй бераётганини англатади. Икки ойда ҳаммасини тўғирлашнинг иложи йўқ.
- Барибир натижа жамоа учун гапиради. Мана шундай натижалар фонида раҳбарият қандайдир кескин қарорга келиши мумкинми?
- Мен билмайман, бориб раҳбариятдан сўранг. Менинг жамоадаги келажагим ҳақида сўраяпсизми? Биз мавсум аввалидаёқ ўзгаришга қўл урилгани ҳақида эълон қилдик. Раҳбарият бунга рози бўлди ва вақт берди. Ҳозир майдонга чиқиб барча енгиб ташлаш иложсиз. Натижага секин асталик билан эришамиз.
- "Сўғдиёна"га қарши ўйинларда "Пахтакор" марказий ҳимоя ва ярим ҳимоядаги хатолари сабаблар гол ўтказиб юборяпти. Ушбу позицияларда муаммолар бор деб ўйлайсизми? Азмиддинов майдонга тушиб, ҳимоя марказини ушлаб бера олди.
- Азмиддиновни майдонга туширишни ҳатто хаёлимга ҳам келтирмаётгандим. Шаҳзод жароҳатидан кейин эндигина бир яримта машғулот ўтказди. Лекин уни майдонга туширишга мажбур бўлдик. Олимпиячиларимиз қайтиб келишди, аммо улар биз чарчадик ва ўйнашга кучимиз йўқ дейишди. Олимпиячиларимиз бундай ҳолатга келиб қолиши учун қандай машғулот ўтказишди, мен билмайман тўғриси. Ўйин ҳақида қўшимча гапириш тўғри эмас деб ўйлайман.
Похожие новости
![AMP Logo](https://championat.asia/image/logo-amp.png)
Комментарии
"Олимпиячилар кучимиз йўқ дейишди, улар қандай машғулотлар ўтказган экан" дегани нимаси? У иккитаси қайтиб келганига неча кун бўлди ахир?! Қатардаги олимпиячиларимиз хам ўша машғулотларда қатнашган, қатнашяпти-мана бугун 4-ўйинни ўтказишди, 4-ғалабага эришишди. Қайтиб келган у иккиси бугунгача биттаям ўйинда майдонга тушгани йўқку!
Максвойни бахоналарига қайси мақол муносиб- "ў.. қ к.. тга апа ун бахона" ми ё русча "плохому танцору я... а мешают" ми???