Магуайр: "Жадвалга қарамаган ҳолда олдинга интилишда давом этамиз"

"Уч очко олишимизни билгандим. Мавсум эндигина бошланди, йўқотилган очколарнинг ўрнини тўлдира оламиз. Омадсизликлардан кейин ўзимизни йўқотиб қўймасак бўлгани.

"Тоттенхэм"дан учралган мағлубиятдан кейин "Ньюкасл"ни 4:1 ҳисобида мағлуб этдик. Ўйинни яхши бошлагандик, бироқ голни биринчи бўлиб биз ўтказиб юборганимиз аламли бўлди.

Йигитлар клуб шаъни учун ҳаракат қилишмоқда. Барчамиз жамоавий ўйиннинг кучайишини ва баҳсларда юқори темпда ўйнашни истаймиз.

"Истанбул"га қарши ўйиндан кейин барчамиз бош мураббийдан узр сўрадик. Бундай ёш болаларча хато қилмаслик керак эди. Аммо таркибимиз яхши, юқори ўринлар ва совринлар учун кураша оламиз", - деди Магуайр.