Лёв: "Германияни энг оғир чорак финал кутиб турибди"

"Турнир бошида мусобақа ритмига тушиш борасида муаммолар мавжуд эди. Гуруҳ босқичида тактик курашлар кўп бўлди. Гуруҳдаги рақибларимизга паст баҳо бериш тўғри эмас. Еврода устунлик қилишимиз учун ҳеч қандай сабаб йўқ эди. Барча жамоалар бизга қаршилик кўрсатишга уринди.

Боатенг ва Хедирада сариқ карточка бор эди, шу сабабли уларни алмаштирдим. Гомес ҳозир яхши формада, икки учрашувда иккита гол урди ва унинг машғулотлардаги ишлашидан кўнглим тўқ. У ўзига ишонади.

Италия ҳимояда жуда кучли, аммо сўнгги учрашувларда ҳужумдаги ҳаракатлар ҳам муваффақиятли якун топмоқда. Испанияликлар аксинча, ўзларининг кучли ҳужуми билан машҳур. Иккала рақиб ҳам Евро етакчиларидан ҳисобланади, уларнинг қай бири бизга қарши ўйнамасин, бу биз учун катта имтихон бўлади. Германияни энг оғир чорак финал кутиб турибди" - дейди Лёв.

Смартфон ютишни истайсизми, унда марҳамат! Шартлар эса бу ерда >>>> ТАНЛОВ