Лушан кузатган ўйинда Азиз Ҳайдаров гол урди, бироқ "Ал Жазира" ғолиб бўлди

Ҳамюртимиз Азиз Ҳайдаров тўп тепаётган "Ал Шабаб" клуби "Ал Жазира" клубини қабул қилди. Учрашувда "Бунёдкор"нинг ОЧЛ-2015 плей-оффидаги рақиби ҳисобланган "Жазира" 4:3 ҳисобида зафар қучди. Азиз Ҳайдаров тўлиқ ўйнади ва жамоасининг иккинчи голига муаллифлик қилди. "Жазира" ҳужумчиси Али Мабҳут эса 3та гол уришга муваффақ бўлди.

"Ал Шабаб" 22 очко билан мусобақа жадвалининг 4-поғонасида бораётган бўлса, "Ал Жазира" кечаги ғалабадан сўнг 24 очко билан пешқадамга айланиб олди.

"Ал Шабаб" навбатдаги ўйинни 18 декабрь куни сафарда "Ал Дафра" клубига қарши ўтказса, "Ал Жазира" 19 декабрда "Ал Васл"ни қабул қилади.

"Ал Шабаб" - "Ал Жазира" 3:4
Голлар: Энрике Луваннор 37, 60, АЗИЗ ҲАЙДАРОВ 48 - Али Мабҳут 21, 65, 90+3, М.Ланзини 26.
"Ал Жазира": Али Ҳасиф (Холид Ал Сенани, 84), Холид Сабил (Ҳассан Амин, 62), Ёсир Матар, Мусаллам Фаёз, Султон Ал Суваиди, Абдулла Муса, Жусилей, М.Ланзини, М.Вучинич, Ж.Питройпа, Али Мабҳут (Ҳалфан Муборак Ал Шамси, 90+4).