Лукас Моура ПСЖдан кетмоқчи эмас

Бу баёнотни Эден Азарга жой бўшатиш учун жамоадан кетиши керак деган миш-мишларга жавоб тарзида қилди.

21 ёшли футболчи 2013 йил Сан-Паулудан Францияга кўчиб ўтди. Моура парижликлар сафида 45 ўйинда майдонга тушди ва тўрт бора гол урди. Тугалланган мавсумда эса ПСЖга кетма-кет иккинчи бор чемпион бўлишга ёрдам берди.

Мени ҳар доим ҳам майдонга чиқаришмайди, лекин мен жамоа сафида етарли ўйин ўтказдим ва муҳим голларни урдим деб ўйлайман. Биз учта ютуққа эга бўлдик ва мен ўзимни жамоанинг тўлақонли аъзоси деб ҳисоблайман. Бу ўз олдига катта ниятлар қўйган фантастик клуб ва мен бу ердалигимдан бахтлиман, - дея Лукаснинг сўзларидан иқтибос келтиради Goal.com.