Лука Чермель: “Бизни қўллаб турган барча мухлисларга миннатдорчилик билдирамиз”
07 сен 2022 13:20
Новости

Лука Чермель: “Бизни қўллаб турган барча мухлисларга миннатдорчилик билдирамиз”

"Сўғдиёна" ҳимоячиси Лука Чермель ОФК Кубогидан ҳудудлараро ярим финалидан ўрин олган "Истерн" (1:0) қарши учрашувдан сўнг фикрлари билан ўртоқлашди.

"Авваламбор, барча ўзбекистонлик мухлисларни ушбу муваффақият билан табриклайман. Жуда қийин ўйин бўлди. "Истерн" тезкор ва қийин рақиб бўлишини аввалдан билардик. Шунга яраша тайёргарлик кўргандик.

Ўйин давомида мақсад сари бирлашиб, ҳаракат қилдик. Натижада, муҳим ғалабани қўлга киритдик. Босқичма-босқич мақсад сари боряпмиз. Финалга қадар яна битта учрашув турибди. Бизни қўллаб турган барча мухлисларга миннатдорчилик билдирамиз.

Чиндан ҳам эртароқ гол уришимиз мумкин эди, лекин бунинг уддасидан чиқа олмадик. Бироз шошилдик ҳам. Бироқ барибир муҳим бўлган голни уриб, ғалаба қозондик. Муҳими, шу.

Биз рақиб танламаймиз. Кейинги босқичда ким билан ўйнашимизнинг аҳамияти йўқ. Асосийси, ўз ўйинимизни кўрсатишимиз, биз режамизга содиқ қоламиз. Барча рақибларимизни жуда қаттиқ ҳурмат қиламиз ва шунга монанд тайёргарлик кўрамиз", – деди жиззахликлар ҳимоячиси.

Ссылка :

Источник : championat.asia

Получайте новости прямо в Telegram!

Рейтинг: +4