Луис Суарес "Олтин тўп"ни ким ютиши кераклигини айтди

"Лео "Олтин тўп"га муносиб. Гарчи "Барселона" фақатгина кубокни ютган бўлса-да, у ўтган йилни яхши ўтказди. Лео ЛаЛиганинг тўпурари ва энг яхши ассистенти бўлди. Америка Кубогида зафар қучди. Бу унинг имкониятларини ошириб юборади.

Месси совринга лойиқ. Унинг узоқ йиллар давомида жисмоний ҳолатини ушлаб турганини таъкидлаш керак. Менимча, "Олтин тўп"ни топшираётганда футболчининг нафақат бир йил давомида жамоага нима бергани, балки йиллар давомида қандай кўрсаткичлар қайд этаётганини ҳам инобатга олиш керак.

Шу сабабли бу борада Леода хатто рақобатчи ҳам йўқ, деб ҳисоблайман", - деди Суарес.