Луис Энрике: "Месси – тарихдаги энг яхши футболчи"

Яқинда берган интервьюсида ПСЖ форварди 2015 йилнинг январида Энрике билан юзага келган тушунмовчилик ҳақида гапирди.

"Бу бизнинг муносабатларимиз қандай эканлигини аниқ акс эттиради. Биз бир-биримизга жуда яхши муносабатда бўламиз ва бу ҳар доим шундай бўлган ... Лекин биз характерли одамлармиз, биз жуда катта босим остида ишлаймиз, шунинг учун биз ҳам хато қилишимиз мумкин. Кейин ҳаммамиз қарор қилдик ва мослашдик.

Лео – ўзига хос футболчи, мен буни доим айтганман. Агар мен унга бирор нарса бера олган бўлсам ва у бу ҳақда интервьюда гапирган бўлса, демак, мақсадга эришилди. Барча футболчилар билан ишлашда менинг мақсадим шу. Агар тарихнинг энг яхши футболчиси бу ҳақда гапираётган бўлса, бу мен учун нимани англатишини тасаввур қилиб кўринг”, – деди 2014-2017 йилларда “Барселона” билан ишлаган испаниялик мураббий.