Луис Энрике: "Асосий рақобатчимизни ютишимиз керак"

Мусобақа жадвалидаги ҳолат тўғрисида берилган саволга мураббий шундай жавоб берди: "Бу мени қизиқтирмайди. Ўз майдонимизда ўйнаймиз, шу боис 100 очко орқада бўлганимизда ҳам ғалаба учун майдонга тушардик. Муҳим ўйинда мухлисларимизга завқ улашмоқчимиз".
 
"Ўйлашимча эртага Зидан келганидан буён кучайган "Реал"ни кўрамиз. Бу жамоа ҳимояда жуда яхши ўйнайди. Рақиб сафидаги индивидуал футболчилар ҳақида эса барча билади. У ерда жаҳон даражасидаги футболчилар бор. Азалий рақибимизга қарши ўз уйимизда ўйнаймиз. Бундай кучли жамоани мағлуб этиш учун энг яхши ўйинимизни кўрсатишимиз керак", - дейди Луис Энрике.
 
"Иньеста биз учун жуда муҳим футболчи, у жамоа сардори. Бироқ бизнинг тактикамиз фақат бир футболчи туфайли ўзгармайди", - дейди мураббий.
 
"Бу ҳал қилувчи ўйин деганларга қўшилмайман. Шахсан мен бу ниманидир ҳал қилувчи ўйин деб ҳисобламайман. Асосий рақобатчимиз бўлгани учун ҳам уни мағлуб этишимиз керак", - дейди Луис Энрике