Ловренга Италия клубидан харидор бор
16 июл 2019 19:20
Новости

Ловренга Италия клубидан харидор бор

А Серия вакили "Милан" "Ливерпуль" ҳимоячиси Деян Ловренга қизиқмоқда.

La Gazzetta dello Sport нашрининг журналисти Никола Скиранинг маълум қилишича, Ловрен – "россонерилар" мудофаа чизиғини кучайтирадиган ўйинчи.

Футболчининг агенти Владо Лемич сешанба куни эрталаб "Милан" раҳбарияти билан 1 соат давомида учрашув ўтказган.

"Ливерпуль" хорватиялик ҳимоячиси учун 20 млн. евро сўрамоқда. Айни пайтда Ловрен мерсисайдликлар сафида йилига 5 млн. евро маош олади. "Милан" эса футболчига 3 млн. евро тўлашга ва 4 йиллик шартномага эга таклиф билан чиқмоқчи.

Ўтган мавсум 30 ёшли Деян "Ливерпуль" таркибида 13 учрашув ўтказиб, 1тадан гол ва ассистни ҳисобига ёздириб қўйди.