"Локомотив": Мамазулунов ҳам Австрияга боради

Аммо ҳозирча шуни маълум қиламизки, Мамазулунов “Локомотив” сафига келиб қўшилгани йўқ, қолаверса у “темирйўлчилар” билан машғулот ҳам ўтказмаяпти.

Негаки, то 16 июлга қадар футболчилар ёзги таътилга чиқишган. Асосий таркиб жамоамиз шу куни йиғилади ва Тошкент халқаро аэропортидан Австрияга йўл олади. Австрия йиғинига кетувчилар орасида Мўйдин Мамазулунов ҳам бор, фақат у жамоа кўригида бўлади. Агар унинг ҳаракатлари жамоамиз мураббийларига маъқул келса, футболчи клуб билан шартномага имзо чекади.

Яна шуни маълум қиламизки, иккинчи давра олдидан “Локомотив” тезкор ҳужумчилардан бири Иван Нагаевни ҳам рўйхатдан ўтказади. Бундан ташқари, мавсумнинг биринчи ярмини ижара асосида “Қўқон-1912″да ўтказган ҳужумчи Дониёр Усмонов билан ярим ҳимоячи Қувондиқ Рўзиев ҳам мавсумнинг қолган қисмини “Локо”да ўтказишади.

Бундан ташқари, мавсумнинг биринчи ярмини ижара асосида "Қўқон-1912"да ўтказган ҳужумчи Дониёр Усмонов билан ярим ҳимоячи Қувондиқ Рўзиев ҳам мавсумнинг қолган қисмига тайёргарликни "Локо"да олиб боришади. Бу икки футболчи ҳам "темирйўлчилар" кўригида бўлади.