"Локомотив"га "эски танишлар" қайтиши давом этади...

Бу ҳақда сайтимиз журналисти Шаҳбоз Беғамов хабар бермоқда.

Махарадзе аллақачон «Сўғдиёна»ни тарк этган ва янги йилда Жиззахдан яна Тошкентга кўчади.

Ўзбекистондаги фаолиятини айнан «Локо»да бошлаган Кахи  кейинчалик «Пахтакор»да маълум вақт тўп тепди.  2016 йилдан эса яна «темирйўлчилар» сафига қайтиб,  жамоасини кетма-кет 3 йил чемпионлик шоҳсупасига олиб чиқишга катта ҳисса қўшганди. Ўтган мавсум «Сўғдиёна»да ҳам яхши ўйнади ва жамоани юқори ўринлар учун курашишида катта ҳисса қўшди. 

Эслатиб ўтамиз Махарадзе Суперлига-2019 баҳсларида 26 та учрашувда майдонга тушиб, 5 та гол урди ва 2 та голли узатмани амалга оширди. Шунингдек, грузиялик футболчи жорий мавсумда Суперлигамизда тўп тепган легионерлар орасида энг кўп майдонга чиққан (26 та) футболчига ҳам айланди.

Махарадзе учинчи бор «Локо»га ўтмоқда ва иккинчи маротаба собиқ жамоасига қайтмоқда!