"Локомотив": Асосий таркиб 5 февраль куни ўйин ўтказади
03 фев 2016 14:15
Новости

"Локомотив": Асосий таркиб 5 февраль куни ўйин ўтказади

Дубайдаги ўқув-машғулот йиғинларида иштирок этаётган “Локомотив” ўзининг биринчи ўртоқлик учрашувини 5 февраль куни маҳаллий “Ал-Урооба” жамоасига қарши ўтказади. Беллашув Тошкент вақти билан 18:15 га тайин қилинган.

Ал-Фужайра клуби БАА 1-дивизионида иштирок этади. 7-турдан кейин “Ал-Урооба” ўзи иштирок этаётган лиганинг 4-пағонасини эгаллаб турибди. 5 февраль кунга тайин қилинган беллашув жамоага қарашли “Al-Oruba Club Stadium”да ўтказилади.

2 февраль куни Дубайга жўнаб кетган жамоамиз аъзолари машғулотларни аллақачон бошлаб юборишган. 12 ва 14 февраль кунлари “темирйўлчилар”нинг Хитой Супер лигаси клубларига қарши ўйинларда майдонга тушишлари ҳақида хабар бергандик. Навбатдаги рақиблар номини тез орада маълум қиламиз.

Қуйида Дубайдаги машғулотлардан туширилган фотосуратларни томоша қилишингиз мумкин.