"Лион" сардори голни Месси услубида нишонлаганидан кейин мухлислар майдонга тушиб кетди + ФОТО
06 ноя 2017 13:56
Новости

"Лион" сардори голни Месси услубида нишонлаганидан кейин мухлислар майдонга тушиб кетди + ФОТО

Франция чемпионати 12-тури доирасидаги "Сент-Этьен" - "Лион" (0:5) учрашуви 84 дақиқада тўхтаб қолди.

Бунга сабаб, лионликлар сардори Набиль Фекир ўзининг иккинчи, жамоасининг бешинчи голини киритганидан кейин футболкасини ечиб фамилияси ёзилган томонини "Сент-Этьен" мухлисларига кўрсатди. Яъни, у голни Месси услубида нишонлади.

Бу ҳаракат мезбонлар мухлисларига ёқмади ва улар майдонга тушиб кетишди. Ҳакамлар жамоаларни кийиниш хонасига "жўнатишди". Учрашув 40 дақиқага тўхтаб қолди.

Кейинчалик хавфсизлик хизмати ходимлари майдонни мухлислардан бўшатишди ва баҳс давом эттирилди. "Лион" бош мураббийи Бруно Женезьо Фекирни алмаштирди.